എന്റെ ചിന്തതൻ തീ എടുത്തവൻ
എന്റെ ചിന്തയുടെ ചൂളക്കരികിൽ
തീക്കായാറുണ്ടായിരുന്നൊരു കാടൻപൂച്ച
രാത്രിയിലേകാന്തതയിലൊരുനാൾ
കാടൻപൂച്ചയവന്നെന്നോട് മൊഴിഞ്ഞു
"എന്തിനായുരുകുന്നു സ്വയമിങ്ങനെ ചങ്ങാതീ
പങ്കുവെക്കുക മനം, പങ്കുവെക്കുക ഭാരവും"
പങ്കുവെക്കപ്പെട്ടതിൻ ശേഷം
കണ്ടീലയാകാടൻ പൂച്ചയെ
നിങ്ങൾ കണ്ടുവോ, കാടൻ പൂച്ചയെ
എന്റെ ചിന്തതൻ തീ എടുത്തവനെ
No comments:
Post a Comment