Tuesday, September 28, 2010

ജീവിതം നിര്‍വ്വചിക്കുംബോള്‍

ജീവിതം നിര്‍വ്വചിക്കുമ്പോള്‍ ..
തീക്കുണ്ഠത്തിലിരിക്കുന്നു

ഒരു തണുത്ത തീയ്യായ്
കത്താതെ കത്തിയെരിഞ്ഞ്
ഒന്നുകില്‍
കത്തിപ്പടര്‍ന്ന് ഒരുവെളിച്ചമാകണം
വഴിനടക്കുന്നവനു കാവലാകണം
അല്ലെങ്കില്‍
കത്തിതീര്‍ന്നൊരു ചാരമാകണം
ശേഷിപ്പില്ലാതെ കാറ്റിലലിയണം

Tuesday, September 7, 2010

രക്ഷകര്‍

കഴുമരം ഏറേണ്ടവന്‍
യൂദാസ്
കുരിശില്‍ കയറി കിടന്നു
യേശുവിനെ ഒട്ടിക്കിടന്നു

ശ്രുതി മധുരം ഓടക്കുഴല്‍
ബാഗ്പൈപര്‍ മോഷ്ടിച്ച്
കുഴലൂതി ജനത്തെ
പാതാളത്തില്‍ വീഴ്ത്തി

ഗോട്സെ വട്ടക്കണ്ണട വെച്ചു
മുണ്ഡനം ചെയ്തു
പാതിവസ്ത്രം ധരിച്ചു
പുണ്ണ്യാളനായി

Sunday, September 5, 2010

നീതി

അള്ളാപിച്ചി മൊല്ലാക്കയുടെ
തൊപ്പിയില്‍ കാക്ക തൂറി
കാശ്മീരിന്റെ ഭൂപടം
വരക്കാത്തതിനാല്‍
തുറുങ്കില്‍ അടക്കപ്പെട്ടു