Wednesday, August 26, 2009
എഡ്വീന
എഡ്വീനാ
എന്റെ മാറത്തെ റോസാപ്പൂക്കള്
നിന് കവിളില് തട്ടി തകര്ന്ന്
നിലംപതിച്ചിരിക്കുന്നു.
എഡ്വീനാ
നിന്റെ പ്രണയത്തിന്റെ ആഴങ്ങളില്
ഞാന് അലിഞ്ഞു
ഇല്ലാതെ ആകുന്നു.
എഡ്വീനാ
എന്തിനാണു നീ ഭയക്കുന്നത്
നിന് പ്രഭു
മൌണ്ടിനെ അല്ലെന്നെനിക്കറിയാം
എഡ്വീനാ
നാടുകടത്തപ്പെടുമെന്ന്
എഡ്വീനാ
നീ ഭയക്കുന്നുവൊ?
എഡ്വീനാ
ഈ നാടുപോല്
ഞാന് നിന്നെ പ്രണയിക്കുന്നു
നീ ദേശീയത തന്നെയാകുന്നു.
എഡ്വീനാ
ഈ രാഷ്ട്രം നിനക്കായി
ഞാന് കരുതി വെക്കുന്നുവെങ്കില്
നീ ഇവിടെത്തന്നെ വാഴും
എഡ്വീനാ
മോഹന് ദാസും
മുഹമ്മദലിയും
വേര്പിരിഞ്ഞിരിക്കുന്നു
എഡ്വീനാ
ഇനി അവന് ഈ നാടുവാഴും
നീ എന്റെ മാറിലെ റോസപൂക്കള്
ഇനിയും തകര്ക്കും
എഡ്വീനാ
ഈ റോസാപ്പൂക്കള്
സ്വപ്നങ്ങളാണ്
ഒരു ജനതക്കും നിനക്കും
എഡ്വീനാ
തെരുവുകളില് ആഘോഷങ്ങള്
നീ കരയാതിരിക്കൂ
ഞാന് നിന്നെ സ്നെഹിക്കുന്നു
Tuesday, August 25, 2009
വരാനിരിക്കുന്ന നല്ലനാളെകള്ക്കായി
പ്രവചനം
ഒരിക്കല് ആകാശ്ത്ത് ഒരു താരകം
നിങ്ങള്ക്ക് കാണാന് കഴിയും
അത് മഞ്ഞുപോല് സ്നിഗ്ദമായിരിക്കില്ല
ഉരുകിയൊലിക്കുന്ന ലാവ പോലെ
അതിന്റെ കിരണങ്ങള്
നിങ്ങളെ തേടിയെത്തും
അത് നിങ്ങളില്
അശാന്തിയുടെ വിത്തുകല് വിതക്കും
നിങ്ങള് അന്ന് വിപ്ലവങ്ങള്ക്കായി
ദാഹിക്കും.
നിങ്ങള് നിങ്ങള്ക്കപ്പുറം
ഒന്നും കണാതിരുന്ന ആ കാലം
നിങ്ങള്ക്ക് കൂട്ടായി ആരും ഉണ്ടാകില്ല
വിപ്ലവങ്ങള്
തീവ്രവാദത്തിന്റ
മതില്കെട്ടിനകത്ത് അടച്ചതിനാല്
നിങ്ങള് നിശ്ശ്ബ്ദരാക്കപ്പെടും
നിങ്ങളുടെ തിരക്കുകളില്
നിങ്ങള് സ്വയം
ബന്ധിതരാകുന്നു.
കാത്തുസൂക്ഷിച്ച
കാത്തുസൂക്ഷിച്ച
കനലുകളെല്ലാം
നിങ്ങള്തന്നെ ഒരുക്കിയ
അഴുക്കുചാലില് വീണു
തകര്ന്നടിയുന്നത് നിങ്ങള്ക്കു കാണാകും
നിങ്ങള് നിങ്ങള്തന്നെ തീര്ത്ത
സ്വയം ബന്ധനത്തിലായിരിക്കെ
നിങ്ങള്ക്കെങ്ങനെയാണു
സ്വാതന്ത്ര്യത്തിനായി
പട നയിക്കാന് കഴിയുക.
Thursday, August 13, 2009
മരണഭയം
തെങ്ങുതടിയില് തീര്ത്ത
പാലം കടക്കുമ്പോള്
കാല് തെന്നിവീണു
മരിച്ചുപോകുമോഎന്ന് ഭയം
സ്കൂള്സഞ്ചി തൂക്കി
ചാഞ്ഞുംചെരിഞ്ഞുമോടുന്ന
ബസിൽ തൂങ്ങവെ റോഡില് വീണു
മരിച്ചുപോകുമോഎന്ന് ഭയം
കരക്കും കടത്തുവഞ്ചിക്കുമിടയില്
ഒരു എടുത്തുചാട്ടതിന്റെ ദൂരം കടക്കവെ
പുഴയുടെ ആഴങ്ങളില് മുങ്ങി
മരിച്ചുപോകുമോഎന്ന് ഭയം
പ്ളാറ്റ്ഫോമിൽ നിന്ന് തീവണ്ടീ
വേഗതക്കൊപ്പം കുതിക്കവെ
പാളത്തിലെ ചക്രങ്ങളിലരഞ്ഞ്
മരിച്ചുപോകുമോ എന്ന് ഭയം
വേഗതക്കൊപ്പം കുതിക്കവെ
പാളത്തിലെ ചക്രങ്ങളിലരഞ്ഞ്
മരിച്ചുപോകുമോ എന്ന് ഭയം
ഇങ്ങനെയൊക്കെ ഭയന്ന്
ഇനിയും ഇല്ലാതാകാഞ്ഞതെന്തേ
എന്നോര്ത്ത് ഞെട്ടി ഉണരവെ
ഉണ്ട് എന്നറിയുമ്പോൾ അതിലേറെ ഭയം
Subscribe to:
Posts (Atom)