Monday, January 3, 2011

പശു പ്രൊഫൈല്‍


എന്‍റെ ആന നന്നായി മെലിഞ്ഞതിനാല്‍
ഞാന്‍ അതിനെ തൊഴുത്തില്‍ കെട്ടി
കഴിഞ്ഞ മാന്ദ്യത്തില്‍ കുലം മുടിഞ്ഞുപോയ
പശു പരമ്പരയുടെ   ഓര്‍മ്മക്ക്

ആന ഒന്നുരണ്ടുദിവസത്തെ
മുക്കലിനും മൂളലിനും ശേഷം
തൊഴുത്തിന്റെ അഴികള്‍ക്കിടയിലൂടെ

ശാന്തമായി ലോകത്തെ നോക്കി





ഇന്നലെ ആനയെ ബന്ധിച്ച
ഇരുമ്പ് ചങ്ങല എടുത്തുമാറ്റി 
തളപ്പാടുകള്‍ വീണ കാലുകളെ സ്വതന്ത്രമാക്കി
കഴുത്ത്,
കയറിനാല്‍ മരയഴിയില്‍  കെട്ടി

കാലിത്തീറ്റയും കഞ്ഞിവെള്ളവും
മൊരിഞ്ഞ വൈക്കോലിന്റെ 
മധുരിമയും  
എന്‍റെ ആന തിന്ന് അയവിറക്കി
പനമ്പട്ടയുടെ പച്ചചൂരിനെ മറന്നു

2 comments:

karnamkodan@gmail.com said...

navas nice, some lines are touch my heart. we expect more and more words from U

നവാസ് മുക്രിയകത്ത് said...

നന്ദി കര്‍ണംകോടന്‍,