കണക്കുപുസ്തകം

ശ്മശാനം

ശ്മശാനമൊരുങ്ങിക്കഴിഞ്ഞു

ശവങ്ങള്‍ വേണം

വര്‍ണ്ണാഭമായവര്‍

വര്‍ണ്ണാശ്രമധര്‍മ്മര്‍

പലതരം ശവങ്ങള്‍

പ്രണയപാപമറിഞ്ഞവര്‍

പാതാളം അറിഞ്ഞവര്‍

പ്രാപിച്ചവര്‍

പ്രാപിക്കപ്പെട്ടവര്‍

പലതരം ശവങ്ങള്‍

അരുതാ‍തെ പിറന്നവര്‍

അരുതാത്തത് ചൈയ്തവര്‍

അരുവിയില്‍ ഇല്ലാതെ ആയവര്‍

ആത്മത്തെ അറിഞ്ഞവര്‍

പലശവങ്ങള്‍

നേതാക്കളായവര്‍

നേടാതെ പോയവര്‍

നേരിനോട് എതിരിട്ടവര്‍

നെറികേട് കാട്ടിയവര്‍

പലശവങ്ങള്‍

ദാമ്പത്യം മുറിഞ്ഞവര്‍

ദാരിദ്ര്യം അറിഞ്ഞവര്‍

ദാഹനീരിനു കേണവര്‍

ദൈര്യമില്ലാതൊടുങ്ങിയവര്‍

എങ്കിലും ശവങ്ങള്‍

എത്ര മൂല്യമുള്ളവ

ഒന്നു കത്തിചു കാണിച്ച്

പിന്നെ വീണ്ടും അറവുകാരന്റെ

ആശുപത്രിമേശയില്‍

‍

ഫോര്‍ത്ത് എസ്റ്റേറ്റ്

എന്‍റെ വലത്തെ ചെവിക്കടിയില്‍

ഒരു കറുത്ത മറു കുണ്ട്

ഇടക്കിടെ എന്‍റെ കാമിനി

അതില്‍ ചുംബിക്കാറുണ്ട്

ഇന്നലെ ആ മറുക് എന്നോട്

പതിവില്ലാത്ത ഒന്നു പറഞ്ഞു

ഇത് ഉറക്കെ വിളിച്ചുകൂകും

ഞാന്‍ ചൂണ്ടു വിരല്‍ ചുണ്ടില്‍ ശ്ശ്..

മറുക് പിന്നെ തുടര്‍ന്നു പറഞ്ഞു

എന്‍റെയും നിന്‍റെയും നാവ്

ഒന്നുമാത്രമായിരിക്കെ

ഞാന്‍ ആരോടും പറയില്ല

എങ്കിലും ഇനിയും നിന്‍റെ

കാമിനിയുടെ ചുംബനം

എന്നില്‍ തന്നെ ആയിരിക്കണം

മറുകിന്‍റെ വാക്കുകളില്‍ കാമം

കണ്ണും എന്‍റെ , കാതും എന്‍റെ

നാക്കും എന്‍റെ

നാലാമത് നീയും എന്‍റെ

സര്‍വ്വതന്ത്ര സ്വതന്ത്രം

മദ്യഷാപ്പുകള്‍

ഗ്രാമത്തിലെ ഷാപ്പുകള്‍ക്ക്

സായന്തനത്തിന്‍റെ ഇളം ചുവപ്പ്

മനം തുറന്ന് അപ്പൂപ്പന്താടി പോലെ

പറക്കാന്‍ കൊതിക്കുന്നവര്‍

ഒറ്റക്കണ്ണിന്റെ ഏകാഗ്രതയില്‍

ഒരിറ്റ് ചോരാതെ വാസുവേട്ടന്‍

രാമേട്ടന്‍ വേദനയോളം നിറച്ച്

സൈക്കിള്‍ ബെല്ലിന്റെ ഈണത്തില്‍

കല്ലും മണ്ണും ഇറക്കിത്തളര്‍ന്നവന്റെ

വേദനസംഹാരി തേടിയെത്തുന്ന സഖാവ്

ഒഴിഞ്ഞ കുപ്പികളില്‍ ശേഷിക്കുന്ന

ലഹരി നുണയുന്ന കുഞ്ഞിത്തള്ള

നഗരം വര്‍ണ്ണരാജികള്‍ പോലെ

അരണ്ടവെളിച്ചമായി ഒറ്റക്ക്

ചിലപ്പോള്‍ നിറങ്ങളുടെ മേളമായി

ആള്‍കൂട്ടങ്ങളുടെ ആരവം

ബാറിന്‍റെ വര്‍ണ്ണാഭമായ കാഴ്ചകളില്‍

ഒഴുകിപ്പോകുന്ന ജോസേട്ടന്‍

സിപ്പുകളുടെ അളവുകള്‍ ക്രിത്യമാക്കി

പുകച്ചുരുളുകള്‍ക്കിടയിലെ താടിക്കാരന്‍

സംഘശക്തിയുടെ പ്രകാശിതവലയത്തില്‍

ഖദറിന്റെ തിളക്കമുള്ള ഖാദര്‍ക്ക.

വ്യവഹാരങ്ങളുടെ കരിമ്പടം പൊഴിച്ച്

സത്യം‍ ഒഴുക്കിക്കളയുന്ന വക്കീല്‍

അകക്കാഴ്ച്ചകളില്‍ കാണാം

ഒറ്റപ്പെട്ടുപോകുന്ന വേദനകളുടെ

നിരാലംബമാകുന്ന വാര്‍ധക്യത്തിന്റെ

അറ്റുപോകുന്ന പ്രണയത്തിന്‍റെ ദ്രുശ്യങ്ങള്‍

മദ്യഷാപ്പിലെത്തുന്നവര്‍ ഒന്നുകില്‍

ജീവിതത്തിന്റെ ആഘോഷങ്ങലില്‍ രമിച്ച്

അല്ലെങ്കില്‍ വേദനയുടെ നെരിപ്പോടില്‍ തകര്‍ന്ന്

ഒര്‍ല്പനേരത്തിന് അത്മാഹുതിചെയ്യുന്നവര്‍

നിയമപരമായ മുന്നറിയിപ്പ്: മദ്യം വിഷമാണ്. ആരോഗ്യത്തിന് ഹാനി കരം

പശു പ്രൊഫൈല്‍

എന്‍റെ ആന നന്നായി മെലിഞ്ഞതിനാല്‍
ഞാന്‍ അതിനെ തൊഴുത്തില്‍ കെട്ടി
കഴിഞ്ഞ മാന്ദ്യത്തില്‍ കുലം മുടിഞ്ഞുപോയ
പശു പരമ്പരയുടെ   ഓര്‍മ്മക്ക്

ആന ഒന്നുരണ്ടുദിവസത്തെ
മുക്കലിനും മൂളലിനും ശേഷം
തൊഴുത്തിന്റെ അഴികള്‍ക്കിടയിലൂടെ

ശാന്തമായി ലോകത്തെ നോക്കി





ഇന്നലെ ആനയെ ബന്ധിച്ച
ഇരുമ്പ് ചങ്ങല എടുത്തുമാറ്റി 

തളപ്പാടുകള്‍ വീണ കാലുകളെ സ്വതന്ത്രമാക്കി
കഴുത്ത്, കയറിനാല്‍ മരയഴിയില്‍  കെട്ടി

കാലിത്തീറ്റയും കഞ്ഞിവെള്ളവും
മൊരിഞ്ഞ വൈക്കോലിന്റെ മധുരിമയും  

എന്‍റെ ആന തിന്ന് അയവിറക്കി

പനമ്പട്ടയുടെ പച്ചചൂരിനെ മറന്നു