Ban Endosulfan

മാര്‍ക്ക് ലിസ്റ്റ്

അമ്മ
എന്റെ ജീവിതം
വരിതെറ്റാതെ
എഴുതാന്‍ പഠിപ്പിക്കുന്നു

എന്നിട്ടും
അമ്മയുടെ
പുസ്തകത്തില്‍
അക്ഷരതെറ്റുകള്‍

മുത്തശ്ശി
കണക്കുകള്‍ തെറ്റി
തെക്കെചെരുവില്‍
കരഞ്ഞുകൂടി

ചേച്ചി
കിനാവുകള്‍ക്ക്
ചെവികൊടുക്കാതെ
ജീവിതം ഹോമിച്ചു

ഞാന്‍
എന്റെ അക്ഷരങ്ങള്‍ക്ക്
നിറം നല്‍കാനാകാതെ
ഏകാന്തതയില്‍

ആരുടെ
ജീവിതമാണ്
ശരിയുത്തരം
നൂറില്‍ നൂറ്

പതിവ്രത

തിരണ്ടലുകള്‍
ജീവിതം
മാറ്റിയപ്പോള്‍
ഒരുപാട്
നഷ്ടങ്ങള്‍

കണ്ണിമാങ്ങ
കാവ്
പൂരങ്ങള്‍
ബലൂണ്‍കാരന്
കുപ്പിവളകള്‍
ബന്ധങ്ങള്‍


കൂട്ടം 
തെറ്റാതിരിക്കാന്‍
അമ്മക്കൂട്ട്

എല്ലാം ഭയം
പൂച്ച, ഒച്ച
തെന്നല്‍, മഴ

ജാഗ്രത

പതിവ്രതയാകുക
എത്ര ദുഷ്കരമാണ്


ജീവിതം ഒരു ദിവസം

പുലര്‍ച്ച
ചായ അപ്പം
പൊതിച്ചോര്‍
ചുംബനം

ഉച്ച
ഉപ്പില്ലാ
എരുവില്ലാ
പിണക്കം


സന്ധ്യ
മദ്യം
മര്‍ദ്ദനം
പുലയാട്ട്

രാത്രി
പ്രണയം
ചുംബനം
രതി

ഇന്നലെ
ആത്മഹത്യ
ഇന്ന്
ഉയര്‍ത്തെഴുനേല്പ്


സത്രീ ജന്മം പുണ്ണ്യജന്മം

കാല്‍ പന്തു പോലെ ജീവിതം- മിനിയേച്ചര്‍

കാല്‍ പന്തുകളിക്കാര്‍ന്റെ
കാല്‍ പന്തു പോലെ ജീവിതം
പുറം കാഴ്ച്ചയില്‍ ധീരം
അകം നോവേറ്റു പായുന്നു

ചവിട്ടി കണംകാലുകൊണ്ട്
നിലത്തടിച്ചുയര്‍ത്തി
ഇരുകാലുകളില്‍ തട്ടി
കാല്‍ വിട്ട് വിടാതെ അച്ചന്‍

മെല്ലെ തട്ടി തൊട്ടു തൊടാതെ
ഗോള്‍ മുഖത്തെ ലക്ഷ്യമാക്കി
നീളന്‍ ഷോട്ടുകള്‍ ഇല്ലാതെ
മൈതാനത്തില്‍ ഒതുങ്ങി അമ്മ

വഴിയില്‍ തടഞ്ഞുനിത്തി
മെല്ല പെരുവിരലില്‍ വെച്ച്
ഡിഫന്‍ഡറുടെ നീളന്‍ ഷോട്ട്
ദൂരം മത്രമായി കാമുകന്‍

പക്ഷിയെ പോല്‍ പറന്ന്
ഗോള്‍ വലയില്‍ കയറാതെ
പന്ത്‌  എത്തിപ്പിടിച്ച്  ഗോളിപോലെ
മാറോട് ചേര്‍ത്ത് ഭര്‍ത്താവ്